#حبك_كفك_اول_سوء_تفاهم_اكلته بحياتي
ك العادة رن المنبه الساعه 5
صلاة الفجر
بس دنيا برد وما الي نفس اقوم
و الوالدة الله يحفظها بتكبر بصوت عالي !!
يما والله برد ...
كملت #نومتي بس اصحى بصلي يما ...
وانا سايق سيارة وطالع ع جامعة عملت #حادث وقلبت سيارة بالوادي
#وهون انا صحيت #فجاة ريقي ناشف
قمت لبست تعطرت #ون_مان_شو
سلمى كانت بتحب ريحة هالعطر 😍
ما علينا مبسوط لانه اليوم صحيت ع صوتها
بس ما وعيتها امي بتقلي نزل لزبالة ..
نزعتلي صباحي ، اففففففف طيب رقعت الباب ومن كثر ما انا معصب #نسيت انزل كيس زباله.
قاعد بشغل بسيارة ما وعيتها غير طالعه من دار بالعباية صيحت عليها.. #مسكينه بدها تكب الزباله
نزلت دمعتها ، حرقت قلبي ..
بس سلمى رنت علي سالتني ليش تاخرت قلتها هيني جاي.. شغلت سيارة وطلعت ع جامعة
حضرنا المحاضرة سوا طرنا دكتور
رحنا ع رينزو نشرب قهوة ☕
رنت امي بتقلي تنساش تدفع اشتراك نت .. اخوك عليه تسجيل اليوم.
طيب ماشي. شغال عندو اني #حمار دار اني
خلص توكلي ع الله
ماشي يما بنساش
طيب ماشي
سلام
توت توت توت
كم لحساب اغلبك معلم؟
مممممم تفضل
يلا ي برنسيسا بلاش تروح علينا المحاضرة الثانية
... حضرنا المحاضرة وانا مروح معيش ادفع اشتراك #مهو_رينزو_بنفاتش
بس فداها حبيبتي.. بديش احسسها
روحت ع البيت..
بس فتت ما لحقت اغسل بتحكيلي دفعت شتراك نت
قلتلها نسيت
رنت ع اخوي بتقلو ليث ما دفع اشتراك نت مر انت بعينك الله.. #فغر بوجهه الله يلعن هيك حياه راح علي تسجيل.. خلص ي ميمتي بتزبط جدول ع سحب و الاضافة.. انا بديش اقرا جامعة يلعن هيك حياه يلعن هيك دار..
روح ما رضي يتغدا بس سالتو ليش فجر فيها
كل صحابي عندهم تلفونات ونت فيه ما بنقطع.. الى انا مكتوبه علي هالكتبه.. ليش خلفتونه!! عشان نتعذب بهالدنيا!!
ي ميمتي خلص خذ تلفوني
مهو عواية مليح الي بفتح فيس
والله ي ميمتي لو في مصاري ما بعزهم عنك
عايشين من تقاعد ابوك الله يرحمه
بس خلص كلشي ولا زعلك ي ميمتي بس تطلع الجمعية الي كنت ناوي فيها ازبط سناني بشتريلك فيهم تلفون..
جد يما
اه جد قديش حقو تلفون الي بدك اياه
عاملين عليهم عروض هلاء ايفون 6s plus
ع البصمه و 128 قيقا مستعمل بدي اجيبو عشان يكون سعرو ارخص ب 470
ايش؟ والله ي ميمتي كل جمعية 150 ليره 😭
خلص بديش..
خلص ولا تزعل انا بلاقي حل
بطلب من خالتك 😭
يسعدلي اياكي يما
يلا ي ميمتي قوم اكل..
فجاة صحيت الساعة 🕜 بعدها 5و خمسه
توضيت وصليت الفجر وامي جايبتلي فنجان هالقهوة بست ايدها و ابوي اجا قعد معنى
حريت بينهم و بين بعض #ضحكنا
ابوي قام لبس عشان ما يتاخر ع شغل وامي عندها غسيل و شغل بلبيت قامت.. ناولتني 35
حكتلي اشتريك طقم مرتب تقبرني هالشبوبية وتحكيش ل ابوك
هذول اعطاني اشتري فيهم جلباب جديد لانه
...
يخليلي اياكي يما
هاتي هاتي عنك تطلعيش ل برا انا بنزل لزبالة
يخليلي ياك ي ميمتي
..........
#امي لا تسعة وثلاثون لها!!
عجزت لغة فيها 28 حرفا اختارها رب العباد عن وصفك !!
من شدة الحب ي امي بدات اتعامل مع حبك على انه شيء مفروغ منه اعتذر عن #العقوق_الخفي
واعتذر ايضا مره اخرى عن #الشرك_الخفي
لقد فطرت وجهي للذي خـُلق له الحب محبا مسلـِما وما كنت من ضاليمين..
#اشهد ان لا حبيبة لي إلا انتي #واشهد اني في عشقكي #عبد
#lyth 😉
